Virtual try-on kya hai
Virtual try-on aik AI tool hai jo aapki photo par kapray "pehna" deta hai. Matlab yeh ke bina dukaan jaye, bina trial room ke, aap dekh sakti hain ke koi lawn suit, kurti ya lehenga aap par kaisa lagega — kharidne se pehle.
Aik baat clear kar dein: yeh size batane wala tool nahi hai. Yeh yeh batata hai ke outfit aap par kaisa lagega, yeh nahi ke aapko kaunsa size lena chahiye. Unstitched lawn ke liye yeh masla kam hai, kyunke fitting to darzi ne baad mein karni hoti hai.
Kaise karein — teen step
- Apni photo upload karein. Gallery se aik saaf photo chun lein — poori (full-body) ho to behtar. JPG, PNG, WebP aur HEIC sab chalti hain, iPhone ki HEIC bhi seedha kaam karti hai.
- AI aapka model banata hai. Kuch second mein aapki aik photorealistic version tayyar ho jati hai, jis par ab kuch bhi try kiya ja sakta hai.
- Outfit try karein. Wardrobe se koi suit chunein, ya kisi bhi outfit ki photo khud upload kar dein — kisi brand ke product page ka screenshot bhi chalega. Phir jitne marzi outfits badal kar dekhein, 6 alag poses mein.
Na koi account banana parta hai, na app download karni parti hai. Phone, tablet ya laptop — browser mein hi chal jata hai, aur beta ke doran bilkul free hai.
Kaisi photo best hai
Result ki quality ka sab se bara faisla aapki upload ki hui photo karti hai. Tarteeb se:
- Qudrati roshni — khirki ke paas din ki roshni sab se behtar hai. Tez dhoop aur oopar wali tube light se saaye ban'te hain jo result kharab karte hain.
- Camera ki taraf seedha dekhein — full-body photo sab se ziada information deti hai. Portrait bhi chalti hai, lekin full-body behtar hai.
- Saada background — plain deewar sab se acha option hai.
- Filter aur beauty mode band rakhein. Yeh wohi detail hata dete hain jo AI ko chahiye hoti hai, aur rangat (skin tone) bhi pehle hi badal dete hain.
- Photo mein sirf aap hon. Group photo mein AI ko andaza lagana parta hai ke kaun sa banda try-on ke liye hai.
Agar result acha na aaye to zyada tar behtar roshni wali nai photo lagane se theek ho jata hai.
Kin kapron par acha kaam karta hai
Acha kaam karta hai
- Rozana ke lawn suits, cotton, khaddar, cambric
- Straight aur A-line kameez, kurta, kurti
- Angrakha cut aur kurti with palazzo
- Dupatta ka drape — chiffon aur voile bhi
- Printed border aur halki thread embroidery
- Hijab ya sar ka dupatta apni jagah rehta hai
- Formal anarkali aur party wear
Abhi mushkil hai
- Bhaari zardozi, tilla aur bridal formals
- Sheer organza aur net
- Sheesha (mirror) work aur sequins
- Jahan bilkul exact shade zaroori ho
- Bohat zyada filter wali ya andheri photo
Wajah simple hai: jo cheez kapre ki surface par flat hai — print, rang, border — woh theek transfer hoti hai. Jo cheez kapre se oopar uthi hui hai aur har taraf se roshni pakarti hai — zardozi, sheesha, sequins — woh theek nahi aati. Isi liye bridal formals sab se mushkil case hain.
Aapki photo ka kya hota hai
Yeh sawal sab se ahem hai, aur jawab seedha hai: aapki photo Aaina Dekho ke server par kabhi save nahi hoti.
Aapka browser photo ko aapke apne phone par hi chhota aur compress karta hai, phir encrypted connection se processing ke liye bhejta hai. Woh photo kisi database ya file store mein likhi nahi jati — sirf usi request ke doran maujood rehti hai. Jo aik copy rehti hai woh aapke apne browser ki local storage mein, aapke apne device par hoti hai — isi liye agli baar aane par dobara upload nahi karna parta. Aap jab chahein app se ya browser ki site data clear kar ke usay mita sakti hain.
Photo na bechi jati hai, na kisi aur ko dikhai jati hai, na kisi model ko train karne ke liye istemal hoti hai. Poori tafseel privacy policy mein likhi hai.
Frequently asked questions
Online kapray try on kaise karein?
Apni aik saaf full-body photo upload karein, AI kuch second mein aapka photorealistic model bana deta hai, phir wardrobe se koi bhi outfit — ya khud upload ki hui kisi outfit ki photo — us model par try karein. Aaina Dekho par yeh browser mein hi hota hai: na account banana parta hai, na app download karni parti hai, aur beta ke doran bilkul free hai.
Kya virtual try-on se pata chalta hai ke mera size kya hai?
Nahi. Virtual try-on sirf yeh dikhata hai ke outfit aap par kaisa lagega, yeh nahi ke aapke naap ke hisaab se kaunsa size theek rahega. Unstitched lawn ke liye yeh masla kam hai kyunke fitting darzi baad mein karta hai.
Kya meri photo save hoti hai?
Aaina Dekho ke server par nahi. Aapka browser photo ko aapke apne device par compress karta hai aur encrypted connection se bhejta hai; woh kisi database ya file store mein likhi nahi jati aur sirf usi request ke doran maujood rehti hai. Aik copy sirf aapke apne browser ki local storage mein rehti hai jo aap kabhi bhi clear kar sakti hain. Photo na bechi jati hai, na kisi model ko train karne ke liye istemal hoti hai.
Kaisi photo lagane se best result milta hai?
Qudrati roshni mein li gai aik saaf full-body photo, jismein aap camera ki taraf seedha dekh rahi hon, background saada ho, koi filter ya beauty mode na laga ho, aur photo mein sirf aap hon. Roshni ka farq sab se zyada parta hai.
Kya bridal lehenga bhi try kiya ja sakta hai?
Halka party wear aur formal anarkali to acha kaam karte hain, lekin bhaari zardozi, tilla, sheesha work aur sequins wale bridal formals abhi theek transfer nahi hote. Wajah yeh hai ke yeh kaam kapre ki surface se oopar uthta hai aur har taraf se roshni pakarta hai, jo AI ke liye sab se mushkil cheez hai.